ਪੰਛੀ ਦੀ ਉਡਾਰੀ
ਨਾ ਉਸਦੇ ਖੰਭਾਂ ਵਿਚ ਹੈ
ਨਾ ਅਸਮਾਨ ਵਿਚ
ਇਹ ਬਾਹਰਲੀਆਂ ਸ਼ਰਤਾਂ ਹਨ
ਪੰਛੀ ਦੀ ਉਡਾਰੀ ਉਸਦੇ ਅੰਦਰ ਹੈ
ਜੇ ਅੰਦਰਲੀ ਉਡਾਣ ਵੱਡੀ ਹੈ
ਤਾਂ ਖੰਭ ਵੀ ਵੱਡੇ ਹੋ ਜਾਂਦੇ ਹਨ
ਅਤੇ ਅਸਮਾਨ ਫੈਲ ਜਾਂਦਾ ਹੈ
ਜੇ ਅੰਦਰਲੀ ਉਡਾਣ ਸੁੰਗੜ ਜਾਵੇ
ਖੰਭ ਅਤੇ ਅੰਬਰ ਵੀ ਸਿਮਟ ਜਾਂਦੇ ਹਨ
ਪੰਛੀ ਪਹਿਲਾਂ ਆਪਣੇ ਅੰਦਰਲੇ
ਅਸਮਾਨ ਵਿਚ ਉਡਦਾ ਹੈ
ਜਿਨੀ ਦੂਰ ਉਹ
ਅੰਦਰਲੇ ਅੰਬਰ ਵਿਚ ਜਾਂਦਾ ਹੈ
ਉਨਾਂ ਵੱਡਾ ਬਾਹਰਲਾ ਅਸਮਾਨ ਹੋ ਜਾਂਦਾ ਹੈ
ਬਾਹਰਲੇ ਅਸਮਾਨ ਤੋਂ ਅਸੀਂ
ਅਨੁਮਾਨ ਨਹੀਂ ਲਾ ਸਕਦੇ
ਕਿ ਪੰਛੀ ਕਿੰਨਾ ਉੱਚਾ ਉਡ ਰਿਹਾ ਹੈ
..................................ਨਵਤੇਜ ਭਾਰਤੀ
No comments:
Post a Comment