ਹਾਕਮ ਬਦਲ ਗਏ ਨੇ ਐਪਰ ਕਾਜ ਨਹੀਂ ਬਦਲੇ
ਚਿਹਰੇ ਨਵੇਂ ਨਵੇਂ ਨੇ ਪਰ ਅੰਦਾਜ਼ ਨਹੀਂ ਬਦਲੇ
ਹੱਕ ਮੰਗਣ ਤੇ ਲਾਠੀ ਗੋਲੀ ਸੂਲੀ ਹਾਜ਼ਿਰ ਹੈ
ਜਾਬਰ ਜ਼ੁਲਮ ਦੀ ਤਰਜ਼ ਦੇ ਰਿਵਾਜ ਨਹੀਂ ਬਦਲੇ
ਤਕਲੀਫਾਂ ਤੋਂ ਮਜ਼ਲੂਮ ਨੂੰ ਰਾਹਤ ਨਹੀਂ ਮਿਲੀ
ਪੁੜੀਆਂ ਨੇ ਓਹੀ ਵੈਦ ਨੇ ਇਲਾਜ ਨਹੀਂ ਬਦਲੇ
ਹਰ ਗਲ ਤੇ ਮਾਰੇ ਸ਼ੇਖ਼ੀਆਂ ਹੰਕਾਰ ਸਿਖ਼ਰ ਹੈ
ਲੱਗਿਆ ਹੈ ਨੁੱਕਰੇ ਆਦਮੀ ਮਿਜਾਜ਼ ਨਹੀਂ ਬਦਲੇ
ਅੱਜ ਵੀ ਸਮੁੰਦਰ ਖੌਲਦੈ ਘਿਰੀਆਂ ਨੇ ਕਿਸ਼ਤੀਆਂ
ਤੁਰਨਾ ਜਿਨ੍ਹਾਂ ਦੀ ਸੋਚ ਹੈ ਉਹ ਜਾਂਬਾਜ਼ ਨਹੀਂ ਬਦਲੇ - ਮਨਜਿੰਦਰ ਸਿੰਘ ਧਨੋਆ
No comments:
Post a Comment