ਰਸੀਲੀਆਂ
ਸੋਗਵਾਨ ਸੁਰਾਂ
ਹੁਣ ਨਹੀਂ ਟੁੰਬਦੀਆਂ
ਵਫ਼ਾ ਪਿਆਰ ਦੀਆਂ ਧੁਨਾਂ
ਹੁਣ ਨਹੀਂ ਪੁੰਹਦੀਆਂ
ਦਿਲ ਦੇ ਬੂਹੇ
ਦਸਤਕ ਦੇਣ
ਵਾਲੀਆਂ ਨਜ਼ਮਾਂ
ਹੁਣ ਨਹੀਂ ਸੁਹੰਦੀਆਂ
ਮੁਕੇਸ਼ ਲਤਾ ਰਫ਼ੀ
ਤੁਹਾਡਾ ਗਾਇਆ
ਕਾਲਜੇ ਨੂੰ
ਖੋਹ ਪਾਉਂਦਾਹੈ
ਪੈਰ ਨਹੀਂ ਥਿਰਕਾਉਂਦਾ
ਸ਼ਰਾਬ ਨਹੀਂ ਖਿੜਾਉਂਦਾ
ਮੈਰਿਜ ਪੈਲੇਸ
ਦੀ ਸਟੇਜ ਤੇ
ਅੰਗ ਥਿਰਕਾ ਰਹੀ
ਅੱਧੀ ਉਮਰ ਦੀ ਕੁੜੀ
ਧਿਆਨ ਨਹੀਂ ਖਿੱਚਦੀ
ਹੁਣ ਤਾਂ ਤੇਰੇ ’ਚ ਤੇਰਾ ਯਾਰ ਬੋਲਦਾ
ਸੁਣਨਾ ਹੀ ਚੰਗਾ ਲਗਦੈ
ਬੰਦੂਕਾਂ ਘੋੜਿਆਂ
ਦਾਰੂ ਦੇ ਪਹਿਲੇ ਤੋੜਿਆਂ ਵਾਲੇ ਗੀਤ ਹੀ
ਦਿਲ ਬਹਿਲਾਉਂਦੇ ਨੇ
ਸ਼ਰਾਬ ਖਿੜਾਉਂਦੇ ਨੇ
ਨਚਾਉਂਦੇ ਨੇ
ਰੰਗ ਬੰਨ੍ਹਦੇ ਨੇ
ਜ਼ਮਾਨਾ ਬਦਲ ਰਿਹੈ
ਨਵੀਂ ਪੀੜ੍ਹੀ
ਆ ਰਹੀ ਹੈ
.....................................- ਜਗਮੋਹਨ ਸਿੰਘ
No comments:
Post a Comment