ਨਾ ਵੰਞ ਢੋਲਾ ਚੰਨਣਾ,
ਨਿਤ ਨਿਤ ਅਸਾਂ ਨਾ ਹਾੜੇ ਕਢਣੇ,
ਨਿਤ ਨਿਤ ਤੂੰ ਨਹੀਂ ਮੰਨਣਾ.
ਜੇ ਜੀਵੇਂ ਤੇਰਾ ਰਹਿਣਾ ਕੂੜਾ,
ਲਾਹ ਵੰਞ ਹਥੀਂ ਮੇਰਾ ਚੂੜਾ,
ਖੋਲ੍ਹ ਜਾ ਨਾਲੇ ਕੰਙਣਾ.
ਪਤਾ ਹੁੱਦਾ ਜੇ ਹੋਣਾ ਧੋਖਾ,
ਚੁੱਕ ਸੁਟਦੀ ਮੈਂ ਘੁੰਢ ਚਿਰੋਕਾ,
ਭਠ ਵਿੱਚ ਪਾਂਦੀ ਸੰਙਣਾ.
ਖ਼ਬਰ ਹੁੰਦੀ ਜੇ ਪਊ ਵਿਛੋੜਾ,
ਮੋਹਨ ਚਾ ਕਰਦੀ ਮੈਂ ਥੋੜ੍ਹਾ,
ਪਿਆਰ ਨਾ ਪਾਂਦੀ ਸੰਘਣਾ. -ਪ੍ਰੋ. ਮੋਹਨ ਸਿੰਘ
[ਵੰਞ - ਜਾ Go, ਕੂੜਾ - ਝੂਠਾ, ਕੰਙਣਾ-ਕੰਗਣ, ਚਿਰੋਕਾ
-ਬਹੁਤ ਪਹਿਲਾਂ, ਸੰਙਣਾ - ਸੰਗ, ਸ਼ਰਮ, ਭਠ-ਭੱਠੀ, ਅੱਗ]
No comments:
Post a Comment