ਮਾਏ ਨੀ ਸਾਨੂੰ ਡਾਢੇ ਰੋਗ ਅਵੱਲੇ ਨੀ
ਸੱਜਣ ਦੂਰ ਦੁਰਾਡੇ ਤੁਰ ਗਏ
ਕਰ ਕੇ ਸਾਨੂੰ ਝੱਲੇ ਨੀ
ਸਾਨੂੰ ਡਾਢੇ ਰੋਗ ਅਵੱਲੇ ਨੀ
ਲੋਕੀਂ ਹੱਸ ਹੱਸ ਖੁਸ਼ੀਆਂ ਮਾਨਣ
ਰੋਂਦੇ ਹਾਂ ਅਸੀਂ ਕੱਲੇ ਨੀਂ
ਸਾਨੂੰ ਡਾਢੇ ਰੋਗ ਅਵੱਲੇ ਨੀ
ਅੰਤ ਵਿਛੋੜਾ ਅੰਦਰ ਸਾੜੇ
ਫ਼ੱਟ ਬਿਰਹੋਂ ਦੇ ਅੱਲੇ ਨੀ
ਸਾਨੂੰ ਡਾਢੇ ਰੋਗ ਅਵੱਲੇ ਨੀ
ਸੱਜਣ ਸਾਕ ਨਾ ਸਾਰ ਵਲੇਂਦੇ
ਤੋੜ ਸੁਨੇਹੇ ਘੱਲੇ ਨੀ
ਸਾਨੂੰ ਡਾਢੇ ਰੋਗ ਅਵੱਲੇ ਨੀ
ਤੇਰੇ ਹੱਥ ਵਿਚ ਜੋਤ ਸ਼ੱਫਾ ਦੀ
ਸਾਡੇ ਦੱਸ ਕੀ ਪੱਲੇ ਨੀ
ਸਾਨੂੰ ਡਾਢੇ ਰੋਗ ਅਵੱਲੇ ਨੀ
.......................................- ਜਾਵੇਦ ਜ਼ੱਕੀ
No comments:
Post a Comment