ਕਿੰਨੀ ਵਾਰੀ ਰੋਕਿਆ
ਤੈਨੂੰ ਵੇ ਤਿਲੋਕਿਆ
ਤੂੰ ਰਕੜਾਂ ’ਚ
ਫੁੱਲ ਨਾ ਉਗਾ
ਰੱਕੜਾਂ ’ਚ ਸ਼ੂਕਦੇ ਨੇ
ਬਿਸੀਅਰ ਨਾਗ ਕਾਲੇ
ਡਾਢੀ ਵੇ ਵਿਸੂਲੀ
ਵਗੇ ’ਵਾ
ਗੱਲਾਂ ਅਨਹੋਣੀਆਂ ਨੂੰ
ਹੋਣੀਆਂ ’ਚ ਬਦਲੇਂ
ਸੁਤੀਆਂ ਨੂੰ
ਰਿਹਾ ਏਂ ਜਗਾ
ਫੁੱਲ ਵੇ ਮਲੂਕੜਾ
ਗੁਲਾਬੀ ਭਾਅ ਮਾਰਦਾ
ਨਿੱਕੀ ਨਿੱਕੀ ਉਡੇ ਵਾਸ਼ਨਾ
ਸਣੇ ਫੁੱਲ ਸੱਪਾਂ ਨੇ
ਸਮੇਟੀ ਜਾਣੀ ਵਾਸ਼ਨਾ
ਭੁਲ ਜਾਣੇ ਆਸ਼ਕੀ ਨੂੰ ਰਾਹ
ਪੀੜਾਂ ਵੇ ਵਿਸੂਲੀਆਂ ਦਾ
ਗੀਤ ਪ੍ਰਗੀਤ ਲਿਖੀਂ
ਬੈਠ ਕੇ ਇੱਕਲਾ ਲਵੀਂ ਗਾ
ਗੱਚ ਭਰ ਕੇਰੇਂਗਾ
ਤਤੀਰੀ ਬੰਨ੍ਹ ਅੱਥਰੂ
ਉਹ ਵੀ ਤੇਰੇ
ਸੱਪਾਂ ਜਾਣੇ ਖਾ
ਕਿੰਨੀ ਵਾਰੀ ਰੋਕਿਆ
ਤੈਨੂੰ ਵੇ ਤਿਲੋਕਿਆ
ਤੂੰ ਰਕੜਾਂ ’ਚ
ਫੁੱਲ ਨਾ ਉਗਾ
...................................ਤਰਲੋਕ ਸਿੰਘ ਕੰਵਰ
No comments:
Post a Comment