ਹੇ! ਮਿੱਤਰ ਪਿਆਰੇ
ਮੋਹ ਦੇ ਮਾਰੇ
ਇਹ ਜੱਗ ਸੋਹਣਾ
ਲਗਦਾ ਤੇਰੇ ਕਰਕੇ
ਅਸੀਂ ਜਿੱਤ ਜਿੱਤ ਹਾਰੇ
ਅਸੀਂ ਝੱਲੇ ਪੀੜ ਝਮੇਲੇ
ਪਰ ਫਿਰ ਵੀ
ਹਰ ਦਿਨ ਸੋਹਣਾ
ਲੱਗਦਾ ਤੇਰੇ ਕਰਕੇ
ਅਗਲੇ ਦੀ
ਸਾਨੂੰ ਖ਼ਬਰ ਨਾ ਕੋਈ
ਪਰ ਇਹ ਪਲ
ਭੇਤੀ ਸੁਰਗਾਂ ਦਾ
ਲਗਦਾ ਝਿਲਮਿਲ ਤਾਰਾ
ਤੂੰ ਪਰਲੇ ਪਾਰੋਂ
ਏਧਰ ਆ
ਸਾਡੀ ਝੋਲੀ
ਝਿਲਮਿਲ ਪਾ
ਮੁਕਤੀ, ਸਦੀਵ, ਆਨੰਦ ਦੀ
ਸਾਨੂੰ ਕੋਈ ਲੋੜ ਨਹੀਂ
ਸਾਡੇ ਲਈ ਤਾਂ ਇਹੀ ਬਥੇਰਾ
ਤੇਰਾ ਬਹਿਣਾ ਇਕ ਪਲ
ਸਾਡੇ ਕੋਲ
ਹੇ! ਮਿੱਤਰ ਪਿਆਰੇ
ਮੋਹ ਦੇ ਮਾਰੇ
ਇਹ ਜੱਗ ਸੋਹਣਾ
ਲਗਦਾ ਤੇਰੇ ਕਰਕੇ - ਪਰਮਿੰਦਰ ਸੋਢੀ
No comments:
Post a Comment