ਝਿਊਰਾਂ ਦਾ
ਖੁਸ਼ਹਾਲ ਸਿੰਘ ਪੀ.ਸੀ.ਐਸ.
ਆਪਣੇ
ਬਾਬੇ ਤੋਂ ਪੁਛਦੈ
ਬਾਪੂ
ਪਿੰਡ ਵਿਚ
ਜਾਤ ਵੱਡੀ ਏ ਜਾਂ
ਔਕਾਤ
ਬਾਬਾ ਸਮਝਾਉਂਦੈ :
ਪੁੱਤ
ਜਦੋਂ ਢਿਚਕੂੰ ਢਿਚਕੂੰ ਕਰਦੇ
ਸੈਕਲ ’ਤੇ
ਘਰੋ ਘਰੀ
ਦੁੱਧ ਢੋਂਹਦਾ
ਜੱਟਾਂ ਦਾ ਰਾਮ ਸੁੰਹ
ਸਾਡੇ ’ਚ ਬੈਠਦੈ
ਤਾਂ ਅਸੀਂ
ਸਿੱਖ ਹੋਣ ਦੀ
ਡਫ਼ਲੀ ਵਜਾਈਦੀਐ
ਤੇ ਉਹ
ਜੱਟ ਹੋਣ ਦਾ
ਰਾਗ ਅਲਾਪਦੈ
ਉਹੀ ਰਾਮ ਸੁੰਹ
ਜਦੋਂ ਆਪਣੇ
ਭਾਈ-ਜਨਾਂ ਦੀ
ਬੈਠਕ ’ਚ
ਜੱਟ ਹੋਣ ਦੀ ਛਾਤੀ ਠੋਕਦੈ
ਤਾਂ ਅਗਲੇ ਉਸਨੂੰ
ਉਸਦੀ ਔਕਾਤ
ਯਾਦ ਕਰਾ ਦੇਂਦੇ ਐ
ਤੇ ਉਹ
ਖਿਝਦਾ ਕ੍ਰਿਝਦਾ
ਗੁਰਦੁਆਰੇ ਆ ਬਹਿੰਦੈ .
..................... - ਜਗਮੋਹਨ ਸਿੰਘ
No comments:
Post a Comment