ਕੁਝ ਚੁਭਦਾ ਹੈ
ਕਾਲਜੇ ’ਚ ਮੇਰੇ
ਬੈਠਾ ਏ ਇਕ ਦਰਦ
ਮੁੜ ਮੁੜ ਸੁਆਂਦੀ ਹਾਂ
ਮੁੜ ਮੁੜ ਉਠਦਾ ਹੈ !
ਦੋਸਤ ਨੇ ਆਖਿਆ ਦਰਦ ਤੇ ਟਿਕੇ ਰਹਿਣਾ
ਨਹੀਂ ਹੈ ਕੋਈ ਯਾਤਰਾ -
ਆਪਣੇ ਅਤੇ ਦਰਦ ਉਤੇ ਪਾ ਕੋਈ ਪੁਲ
ਤੇ ਹੋ ਜਾ ਪਾਰ-
ਉਸਾਰੇ ਪੁਲ ਬਥੇਰੇ
ਪਰ ਪੁਲ ਉਤੋਂ ਲੰਘਦਿਆਂ
ਥ੍ਹੰਮ ਥ੍ਹੰਮ ਹਿਲਦਾ ਹੈ
ਦਰਦ ਫਿਰ ਉਠਦਾ ਹੈ
ਕੁਝ ਚੁਭਦਾ ਹੈ !
ਫਿਰ ਗੁਰ-ਵਾਕ ਮਿਲਿਆ
ਕਿ ਕੁਝ ਨਹੀਂ ਹੁੰਦਾ ਦਰਦ
ਇਹ ਤਾਂ ਆਪਣੇ ਹੀ ਦੁਆਲੇ ਉਣਿਆ
ਜਾਲ ਹੁੰਦਾ ਹੈ ਮਹਿਜ਼,
ਚੁਭਦਾ ਹੈ ਹਉਂ ਦੇ ਯੁਧ ਵਿਚ ਲੱਗਾ ਹਰ ਤੀਰ .
ਹੋਣਾ ਹੈ ਇਸ ਦਰਦ ਤੋਂ ਮੁਕਤ
ਤਾਂ ਨਿਕਲ ਪਹਿਲਾਂ ਇਸ ਜਾਲ ਤੇ ਯੁਧ ’ਚੋਂ ਬਾਹਰ
ਹੁੰਦੀ ਹਾਂ ਮੁੜ ਮੁੜ ਆਪਣੇ ਸਨਮੁੱਖ
ਕਰਦੀ ਹਾਂ ਮੁੜ ਮੁੜ ਕਈ ਕੌਲ
ਪਰ ਪਾਸਾ ਪਰਤਦਿਆਂ ਹੀ
ਫਿਰ ਉਠਦੀ ਏ ਟੀਸ
ਹੁੰਦਾ ਏ ਦਰਦ
ਕੁਝ ਚੁਭਦਾ ਹੈ !
.................................................. - ਪਾਲ ਕੌਰ
ਕਾਲਜੇ ’ਚ ਮੇਰੇ
ਬੈਠਾ ਏ ਇਕ ਦਰਦ
ਮੁੜ ਮੁੜ ਸੁਆਂਦੀ ਹਾਂ
ਮੁੜ ਮੁੜ ਉਠਦਾ ਹੈ !
ਦੋਸਤ ਨੇ ਆਖਿਆ ਦਰਦ ਤੇ ਟਿਕੇ ਰਹਿਣਾ
ਨਹੀਂ ਹੈ ਕੋਈ ਯਾਤਰਾ -
ਆਪਣੇ ਅਤੇ ਦਰਦ ਉਤੇ ਪਾ ਕੋਈ ਪੁਲ
ਤੇ ਹੋ ਜਾ ਪਾਰ-
ਉਸਾਰੇ ਪੁਲ ਬਥੇਰੇ
ਪਰ ਪੁਲ ਉਤੋਂ ਲੰਘਦਿਆਂ
ਥ੍ਹੰਮ ਥ੍ਹੰਮ ਹਿਲਦਾ ਹੈ
ਦਰਦ ਫਿਰ ਉਠਦਾ ਹੈ
ਕੁਝ ਚੁਭਦਾ ਹੈ !
ਫਿਰ ਗੁਰ-ਵਾਕ ਮਿਲਿਆ
ਕਿ ਕੁਝ ਨਹੀਂ ਹੁੰਦਾ ਦਰਦ
ਇਹ ਤਾਂ ਆਪਣੇ ਹੀ ਦੁਆਲੇ ਉਣਿਆ
ਜਾਲ ਹੁੰਦਾ ਹੈ ਮਹਿਜ਼,
ਚੁਭਦਾ ਹੈ ਹਉਂ ਦੇ ਯੁਧ ਵਿਚ ਲੱਗਾ ਹਰ ਤੀਰ .
ਹੋਣਾ ਹੈ ਇਸ ਦਰਦ ਤੋਂ ਮੁਕਤ
ਤਾਂ ਨਿਕਲ ਪਹਿਲਾਂ ਇਸ ਜਾਲ ਤੇ ਯੁਧ ’ਚੋਂ ਬਾਹਰ
ਹੁੰਦੀ ਹਾਂ ਮੁੜ ਮੁੜ ਆਪਣੇ ਸਨਮੁੱਖ
ਕਰਦੀ ਹਾਂ ਮੁੜ ਮੁੜ ਕਈ ਕੌਲ
ਪਰ ਪਾਸਾ ਪਰਤਦਿਆਂ ਹੀ
ਫਿਰ ਉਠਦੀ ਏ ਟੀਸ
ਹੁੰਦਾ ਏ ਦਰਦ
ਕੁਝ ਚੁਭਦਾ ਹੈ !
.................................................. - ਪਾਲ ਕੌਰ
No comments:
Post a Comment