ਕਲਾਮ - ਸ਼ਾਹ ਹੁਸੈਨ (ਰਾਗ ਆਸਾ)

ਸਾਂਈਂ ਜਿਨਾਂਦੜੇ ਵੱਲ
ਤਿਨਾਂ ਨੂੰ ਗ਼ਮ ਕੈਂਦਾ, ਵੇ ਲੋਕਾ I੧I ( ਰਹਾਉ )
ਸੇਈ ਭਲੀਆਂ ਜੋ ਰਬੁ ਵਲ ਆਈਆਂ
ਜਿਨ੍ਹਾਂ ਨੂੰ ਇਸ਼ਕ ਚਰੋਕਾ, ਵੇ ਲੋਕਾ I ੨ I
ਇਸ਼ਕੇ ਦੀ ਸਿਰ ਖਾਰੀ ਚਾਈਆਂ
ਦਰ ਦਰ ਦੇਨੀਆਂ ਹੋਕਾ ਵੇ ਲੋਕਾ I ੩ I
ਕਹੈ ਹੁਸੈਨ ਫ਼ਕੀਰ ਸਾਂਈਂ ਦਾ
ਲੱਧਾ ਈ ਪ੍ਰੇਮ ਝਰੋਖਾ, ਵੇ ਲੋਕਾ I ੪ I
ਸਾਂਈਂ ਜਿਨਾਂਦੜੇ ਵੱਲ
ਤਿਨਾਂ ਨੂੰ ਗ਼ਮ ਕੈਂਦਾ, ਵੇ ਲੋਕਾ
ਹੋ ਮੈਂ ਵਾਰੀ
ਗ਼ਮ ਕੈਂਦਾ, ਵੇ ਲੋਕਾ I ੫ I

.......................................ਸ਼ਾਹ ਹੁਸੈਨ

{ਜਿਨਾਂਦੜੇ ਵੱਲ- ਜਿਨ੍ਹਾਂ ਦੇ ਹੱਕ ਵਿਚ, ਖਾਰੀ - ਟੋਕਰੀ, ਕੈਂਦਾ - ਕਿਸ ਦਾ, ਲੱਧਾ - ਲਭਿਆ}