ਦਿਲ ਦੇ ਝੱਲੇ ਮਿਰਗ ਨੂੰ ਲੱਗੀ ਹੈ ਤੇਹ
ਪਰ ਨੇ ਦਿਸਦੇ ਹਰ ਤਰਫ਼ ਵੀਰਾਨ ਥੇਹ
ਕੀ ਕਰਾਂ? ਕਿਥੋਂ ਬੁਝਾਵਾਂ ਮੈਂ ਪਿਆਸ,
ਹੋ ਗਏ ਬੰਜਰ ਜਹੇ ਦੋ ਨੈਣ ਇਹ
ਥਲ ਹੋਏ ਦਿਲਾਂ ਚੋਂ ਗ਼ਮਾਂ ਦੇ ਕਾਫ਼ਲੇ
ਰੋਜ਼ ਲੰਘਦੇ ਨੇ ਉਡਾ ਜਾਂਦੇ ਨੇ ਖੇਹ
ਦੁਆਰ ਦਿਲ ਦੇ ਖਾ ਗਈ ਹਠ ਦੀ ਸਿਉਂਕ
ਖਾ ਗਈ ਚੰਦਨ ਦੀ ਦੇਹ ਬਿਰਹੋਂ ਦੀ ਲੇਹ
ਰਤਨ ਖੁਸ਼ੀਆਂ ਦੇ ਮਣਾਂ ਮੂੰਹ ਪੀ ਲਏ
ਇਕ ਪਰਾਗਾ ਰੇੜ ਪਰ ਨਾ ਹੋਏ ਪੀਹ
ਮਨ ਮੋਏ ਦਾ ਗਾਹਕ ਨਾ ਮਿਲਿਆ ਕੋਈ
ਤਨ ਦੀ ਡੋਲੀ ਦੇ ਮਿਲੇ ਪਰ ਰੋਜ਼ ਵੀਹ
ਚਿਰ ਹੋਇਆ ਮੇਰੇ ਮੁਹਾਣੇ ਡੁੱਬ ਗਏ
ਹੁਣ ਸਹਾਰੇ ਖਿਜ਼ਰ ਦੇ ਦੀ ਲੋੜ ਕੀਹ?
ਜਾਣਦੇ ਬੁੱਝਦੇ ਯੇਰੂ ਦੇ ਰਹਿਨੁਮਾ
ਚਾੜ੍ਹੇ ਨੇ ਬੇਗੁਨਾਹ ਸੂਲੀ ਮਸੀਹ - ਸ਼ਿਵ ਕੁਮਾਰ ਬਟਾਲਵੀ
No comments:
Post a Comment