ਆ ਵੰਞੇ ਜੇ ਢੋਲਾ ਮੈਂਡਾ
ਨੱਚ ਪਵਾਂ ਮੈਂ ਘੁੰਗਟ ਖੋਲ੍ਹ
ਸੈ ਅੰਬਰਾਂ ਵਿਚ ਘੁੰਮ ਘੁੰਮ ਫਿਰਦਾ
ਲੱਖ ਨੂਰਾਂ ਦੀ ਬੁੱਕਲੀਂ ਘਿਰਦਾ
ਉਹਦੇ ਚਰਨ ਦੀਆਂ ਸੋਹਜਾਂ ਖਾਤਿਰ
ਦਿਆਂ ਡੂੰਘਾਣਾ ਫੋਲ
ਮਸਤ ਹਵਾਵਾਂ ਫਿਰਨ ਸ਼ੁਦਾਈ
ਅੰਮ੍ਰਿਤ ਦੇ ਭੰਡਾਰ ਲੁਕਾਈ
ਉਹਦੇ ਚਰਨ ਪਖਾਲਣ ਖ਼ਾਤਰ
ਦੇਣ ਫੁਹਾਰਾਂ ਡੋਲ੍ਹ
ਲਖ ਬਿਜਲੀ ਉਹਦੇ ਨੈਣੀਂ ਚਮਕੇ
ਡਿਗਦੇ ਨੇ ਤਾਰੇ ਪਲਕ ਦੇ ਝਮਕੇ
ਚਰਨ ਓਸ ਦੇ ਰਹਿਮਤ ਵੱਸਦੀ
ਅੱਡ ਬਵ੍ਹਾਂ ਮੈਂ ਝੋਲ
ਆ ਵੰਞੇ ਜੇ ਢੋਲਾ ਮੈਂਡਾ
ਨੱਚ ਪਵਾਂ ਮੈਂ ਘੁੰਗਟ ਖੋਲ੍ਹ
............................- ਪ੍ਰੀਤਮ ਸਿੰਘ ਸਫ਼ੀਰ (ਸਾਵਣ ਬਿਜਲੀਆਂ)
No comments:
Post a Comment