ਬੜਾ ਔਖਾ ਹੁੰਦਾ
ਸਮਿਆਂ ਦੀ ਦਹਿਲੀਜ਼
ਉਲੰਘ ਕੇ ਜਾਣਾ
ਤੇ ਪਰਤ ਕੇ
ਸਤਰੰਗੀ ਪੀਂਘ ਦੀਆਂ ਗੱਲਾਂ ਕਰਨੀਆਂ......
ਅਟਕਣਾਂ ਤੋਂ ਪਾਰ ਜਾ ਕੇ
ਮਹਿਬੂਬ ਨੂੰ ਮਿਲਣਾ
ਸਿਫਰ ਹੋਣਾ
ਫਿਰ ਆਪਣੇ ਵਜੂਦ ਦਾ
ਅਹਿਸਾਸ ਕਰਨਾ....
ਨਦੀਆਂ ਦੇ ਵਹਿਣ ਨਾਲ
ਸਮੁੰਦਰਾਂ ਚ ਖੁਰ ਕੇ ਵੀ
ਕਾਇਮ ਰੱਖਣੀ ਆਪਣੀ ਹੋਂਦ....
ਇਕੱਲੇ ਬੈਠ ਕੇ
ਤੈਨੂੰ ਯਾਦ ਕਰਨਾ ਤੇ
ਮੁਸਕਰਾਉਣਾ
ਬੜਾ ਔਖਾ ਹੁੰਦਾ......
ਸੌਖਾ ਹੈ ਤਾਂ ਸਿਰਫ
ਨੈਣਾਂ ਨਾਲ ਮਿਲਕੇ
ਦਰਿਆ ਦੀ ਤਰਾਂ ਵਗਣਾ
ਤੇ ਰੁੜ੍ਹ ਜਾਣਾ....
ਤੁਪਕੇ ਬਣ ਕੇ....
...................................... - ਦੀਪ ਕੁਲਦੀਪ
No comments:
Post a Comment