ਇਕ ਵੇਰ ਅਚਨਚੇਤ
ਮੈਂ ਢਹਿ ਪਈ ਸਾਂ !
ਢੱਠੀ ਸਾਂ ਮੈਂ ਟੁਰਦੀ ਟੁਰਦੀ
ਪਤਾ ਨਹੀਂ ਕਿਵੇਂ ਹੋਇਆ - ਠੇਡਾ ਜਿਹਾ ਵੱਜਾ
ਮੈਂ ਢੱਠੀ ਧੈਂ ਦੇ ਕੇ.
ਮੈਨੂੰ ਪੜੁਛਿਆ ਉਸ ਨੇ ਆਪਣੀਆਂ ਬਾਹਾਂ ਵਿਚ
ਉਹ ਜੋ ਦੂਰੋਂ ਬਾਹਾਂ ਖੋਲ੍ਹ ਕੇ ਆਇਆ,
ਮੈਂ ਲੱਗ ਉਹਦੀ ਛਾਤੀ ਫੜਕਦੀ ਸਾਂ
ਵਾਂਗ ਅਚਨਚੇਤ ਫੜੀ ਕਿਸੇ ਹੈਰਾਨ ਪ੍ਰੇਸ਼ਾਨ ਘੁੱਗੀ ਦੇ
ਤੇ ਡਰੀ ਘੁੱਗੀ ਵੱਗ ਲੱਗ ਉਹਦੀ ਛਾਤੀ ਮੇਰਾ ਨਿੱਕਾ ਜਿਹਾ ਸੀਨਾ ਕੰਬਦਾ
ਫੜਕਦਾ ਧੜਕਦਾ
ਮੈਂ ਤਾਂ ਉਲਝ ਗਈ ਉਥੇ
ਫੜੀ ਜਾਲ ਜਿਹੇ ਵਿਚ,
ਮੈਂ ਤਾਂ ਇਕ ਵੇਰੀ ਉਹਨੂੰ ਇੰਝ ਮਿਲੀ ਸਾਂ
No comments:
Post a Comment