ਤੁਹਾਡਾ ਸੁਆਲ - ਜਗਮੋਹਨ ਸਿੰਘ

ਤੁਹਾਡਾ ਸੁਆਲ ਹੈ ਕਿ
ਮਨੁੱਖ ਹੀ ਕਿਉਂ ਜਾਂਦਾ ਹੈ
ਬਰੂਦ ਦੇ ਢੇਰ ਵੱਲ,
ਮਧੂ-ਮੱਖੀਆਂ, ਤਿੱਤਲੀਆਂ ਤੇ ਭੌਰੇ  ਕਿਉਂ ਨਹੀਂ ?
ਮੇਰਾ ਜੁਆਬ ਹੈ ਕਿ
ਉਹ ਤਾਂ ਸਕੂਲਾਂ ’ਚ ਵੀ ਨਹੀਂ ਜਾਂਦੇ
ਭਾਰੇ-ਭਾਰੇ ਬਸਤੇ ਚੁੱਕ ਕੇ,
ਬੈਂਕਾ ’ਚ ਵੀ ਨਹੀਂ ਜਾਂਦੇ
ਹੱਥਾਂ ’ਚ ਚੈੱਕ-ਬੁਕਾਂ ਫੜ ਕੇ,
ਥਿਏਟਰਾਂ, ਕੱਲਬਾਂ, ਪੱਬਾਂ ਚ ਵੀ ਨਹੀਂ ਜਾਂਦੇ
ਜੀ ਬਹਿਲਾਉਣ,
ਮੰਦਰਾਂ, ਮਸਜਿਦਾਂ ਗੁਰਦੁਆਰਿਆਂ 'ਚ ਵੀ ਨਹੀਂ ਜਾਂਦੇ
ਭੁੱਲਾਂ ਬਖਸ਼ਾਉਣ,
ਨਾ ਉਨ੍ਹਾਂ ਨੂੰ ਅਰਥ ਸਾਸ਼ਤਰ ਦੀ ਕੁਝ ਸਮਝ ਹੈ
’ਤੇ ਨਾ ਹੀ ਰਾਜਨੀਤੀ ਸਾਸ਼ਤਰ ਦੀ.
.................................................. - ਜਗਮੋਹਨ ਸਿੰਘ