ਇਹ ਜ਼ਰੂਰੀ ਤਾਂ ਨਹੀਂ
ਕਿ ਤੂੰ ਮੈਨੂੰ ਆਵਾਜ਼ ਦੇਵੇਂ
ਤੂੰ ਬਸ
ਹਰੀਆਂ ਕੂਲੀਆਂ ਕਰੂੰਮਬਲਾਂ ਵਾਂਗ ਮੁਸਕੁਰਾਈਂ
ਮੈਂ ਖ਼ੁਦ-ਬਖ਼ੁਦ ਸਮਝ ਜਾਵਾਂਗਾ
ਕਿ ਤੇਰੀ ਆਮਦ ਹੈ
ਦਸਤਕ ਤਾਂ ਗੈਰਾਂ ਓਪਰਿਆਂ ਲਈ ਹੁੰਦੀ ਹੈ
ਤੂੰ ਬਸ
ਨਿੱਘੀ ਕੋਸੀ ਧੁੱਪ ਦੀ ਖੁਸ਼ਬੂ ਜਹੀ
ਮੇਰੇ ਵਿਹੜੇ ਵਿਚ ਫੈਲ ਜਾਈਂ
ਮੈਂ ਖ਼ੁਦ-ਬਖ਼ੁਦ ਸਮਝ ਜਾਵਾਂਗਾ
ਕਿ ਤੇਰੀ ਆਮਦ ਹੈ
ਤਿੱਤਲੀਆਂ ਭੰਵਰਿਆਂ ਨੂੰ
ਵੀ ਕੋਈ ਸੱਦ ਬੁਲਾਉਂਦਾ ਹੈ ਕਦੇ
ਤੂੰ ਬਸ
ਮੌਲਸਿਰੀ ਦੀ ਵੇਲ ਜਹੀ ਮੁਸਕਰਾਈਂ
ਮੈਂ ਖ਼ੁਦ-ਬਖ਼ੁਦ ਸਮਝ ਜਾਵਾਂਗਾ
ਕਿ ਤੇਰੀ ਆਮਦ ਹੈ
..............................................- ਰਮੇਸ਼ ਕੁਮਾਰ
No comments:
Post a Comment